அதற்காக குழு அமைக்கப்பட்டு குழுவின் ஏகோபித்த முடிவின்படி கீழ் வருபவர்கள் பொருப்பாளர்கள் ஆனார்கள். செயல்பாடுகள்:

இதன்படி பள்ளி மாணவர்களில் சில ஏழை ஆதிதிராவிட மாணவர்களுக்கு சீருடை மற்றும் குறிப்பேடுகள் வாங்கித்தரப்பட்டன.

இளைஞர்களுக்கும் மாணவர்களுக்கும் தம் கவிதைகள் மூலம் அறிவுரைகளையும் பகுத்தறிவினையும் புகட்டியவர் மண்ணின் மைந்தர் கவிஞர் பட்டுக்கோட்டை கல்யாணசுந்தரம் அவர்கள். அவரைப் போற்றி அரசு 1995 ஆம் ஆண்டின் இறுதியில் பட்டுக்கோட்டையில்(மணிக்கூண்டு அருகில்) வெண்கலத்தினால் ஆன சிலையையும், வட்டாட்சியர் அலுவலகம் அருகில் ஒரு மணிமண்டபத்தையும் ஏற்படுத்தியது. அவற்றின் தொடக்க விழாவில் இளைஞர்கள் நம்மூரின் சார்பில் பெரிய அளவில் கலந்து கொள்வது என தீர்மானித்து அதன்படி கலந்து கொண்டார்கள்.

1996 ஆம் ஆண்டு முதல் ஏப்ரல் 14 ஆம் தேதி கவிஞரின் பிறந்தநாள் அன்று அவருடைய திருஉருவச்சிலைக்கு ஊராட்சி மன்ற துணைத்தலைவர் திரு. கு.கோ.இராமச்சந்திரன் அவர்கள் தலைமையில் சென்று மாலை அணிவித்து மரியாதை செய்யப்பட்டது. இந்த நிகழ்வு இன்று வரை நம்மவர்களால் கடைபிடிக்கப்பட்டு வருகிறது என்பது பெருமைக்குரிய செய்தி ஆகும்.

1996 ஆம் ஆண்டு பள்ளி விளையாட்டு மைதானத்தில் இருந்த அவசியமற்ற முட்புதர்கள் அகற்றப்பட்டன. இதனை திரு.ஜெயபிரகாஷ் மற்றும் அய்யநாதன் உள்ளிட்ட பேரவை உறுப்பினர்கள் கலந்து கொண்டு செய்தனர்.

மாணவர்களின் நிலைமைகளுக்கு ஏற்ப அவரவர் படித்த கல்லூரிகளில் பள்ளிகளில் தாமே முன்வந்து இரத்ததானம் வழங்கினர்.

2001 ஆம் ஆண்டு நடந்த காசாங்காடு திருக்கோயில்கள் குடமுழுக்கு விழாவின் போது அமைதியையும் கட்டுப்பாட்டையும் மக்களுக்கு வழங்கினார்கள். அன்று நடைபெற்ற பிரமாண்டமான அன்னதான நிகழ்ச்சிக்கு மக்கள் அனைவரும் அமைதியாகச்சென்று அதில் பங்கெடுத்துக்கொள்ள வழிவகைசெய்தார்கள். மொத்த நிகழ்ச்சிக்கும் கட்டுப்பாட்டுடன் கூடிய பாதுகாப்பினை மக்களுக்கு
நம்மவர்கள் வழங்கினார்கள்.அதன் பிறகு வந்த ஒவ்வொரு ஆண்டு வைகாசிவிசாகத் திருவிழாவின் போதும் கண்ணியமான பாதுகாப்பை ஏற்படுத்தினார்கள்.

2001 ஆம் ஆண்டு ஜனவரி 26-ல் ஏற்பட்ட குஜராத் பூகம்பத்திற்கு நம் கிராமத்தில் நிதி மற்றும் பொருட்கள் திரட்டப்பட்டன. அதில் திரு. மணிவண்ணன் மற்றும் நம் பேரவையைச் சார்ந்தோர் திரளாகச்சென்று தீவிரமாக உழைத்து மிகப்பெரும் நிதியை(ரூ.75000)த்திரட்டி காசாங்காடு வழங்குவதற்கு பேருதவி புரிந்தனர். அதே ஆண்டு ஏற்பட்ட ஒரிஸ்ஸா வெள்ள நிவாரணத்திற்கும் பொருள் மற்றும் நிதி(ரூ.25000) திரட்ட உதவி செய்தார்கள். 

2004 ஆம் ஆண்டு டிசம்பர் 26 தமிழகக் கடற்கரைப் பகுதிகளில் ஏற்பட்ட சுனாமி எனப்படும் ஆழிப்பேரலையால் பாதிக்கப்பட்ட மக்களுக்கு நேரடியாக நாகை மற்றும் வேளாங்கன்னி சென்று மாணவர் பேரவையைச் சேர்ந்த திரு.வீ. ஜெயபிரகாஷ் மற்றும் பேரவை உறுப்பினர்கள் உடனடிச் சேவை புரிந்தார்கள்.

இப்படி ஆண்டு தோறும் ஏற்படுகிற சமுதாய, சமூகத் தேவைகளுக்கேற்ப நம்முடைய பணி தொடர்ந்து கொண்டே இருக்கும். ஒருவர் அங்கில்லை என்றாலும் மற்றவர் அவ்விடத்தை நிரப்பி பணிகள் செவ்வனே நடைபெற பாடுபடுவர். இத்தகையச் செயல்கள் தான் தொண்டு மனப்பான்மையைத் துண்டும். இளைஞர்களை எழுச்சிப்பாதைக்கு அழைத்துச்செல்லும்.

ஆண்டிற்கு இருமுறை பேரவைக் கூட்டபடவில்லையெனினும் எல்லாருடைய மனதிலும் ஒரு எண்ணம் உள்ளது. அது மீண்டும் இத்தகைய சமூகப் பணிகளிளைச்செய்ய நமக்கும் ஒரு வாய்ப்பிருக்கிறது என்பதுதான். இப்போதும் இதயங்களில் இப்பேரவை இயக்கத்துடனே உள்ளது.