திருமண அரங்கின் வரலாற்று சுருக்கம்:

கட்டிட திறப்பு நாள்:  ஞாயிற்றுகிழமை, தாரண வருடம், 10 தை (23 சனவரி 2005)
கட்டிடத்தின் மதிப்பு:  ரூ.68 இலட்சம் (ரூ.48 இலட்சம் இந்திய மக்களின் வரிப்பணம், ரூ. 20 இலட்சம் காசாங்காடு கிராம மக்களின் பங்கு)
உருவாக மூல காரணம்: தமிழக அரசின் நமக்கு நாமே திட்டம்
அமைவிடம்: ரெகுநாதபுரம், காசாங்காடு கிராமம்


விரிவான வரலாறு:

மதுக்கூர் ஒன்றியத்தில் அமைந்துள்ள நம் காசாங்காடு ஊராட்சிக்கு கடந்த 1997 ஆம் ஆண்டு தமிழக அரசினால் நமக்கு நாமே திட்டத்தின் கீழ் மாவட்டத்திற்கு ஒதுக்கப்பட்ட 2 திருமண அரங்குகளில் ஒன்று இவ்வரங்கம்.

 இதற்காகான நிதி கோவில் திருப்பணிக்காக சிங்கப்பூரில் விஸ்வநாதன் அறக்கட்டளையால் காசாங்காட்டைச் சேர்ந்தவர்களிடம் வசூலித்த தொகையிலிருந்து ரூ.20 இலட்சம் அரசாங்கத்திற்கு காசாங்காட்டின் பங்குத்தொகையாகக் கட்டப்பட்டது. அதன் பிறகே அரங்கத்திற்கான அனுமதி கிடத்தது. சுமார் ரூ.60 இலட்சம் மதிப்பீட்டிலான அரங்கம் தமிழக அரசினால் அனுமதிக்கப்பட்டு கட்டப்பட்டது.

கடந்த 2002 ஆம் ஆண்டில் 90 சதவீத பணிகள் முடிவடந்த நிலையில் சில சில்லறை பணிகளுக்கான நிதித்தேவைகளால் பணி நின்று போயிருந்தது.பின்பு பலமுறை நம்மூர் பெரியவர்களால் விடுக்கப்பட்ட கோரிக்கையை ஏற்று தமிழக அரசு சுமார் ரூ.8 இலட்சத்தை  அனுமதித்து அரங்கம் கட்டுமானப்பணி நிறைவு பெற உதவியது.